Los Plenos de L.lena, Noreña y Carreño yá mostraron l’apoyu a la convocatoria del 21 d’abril de la Xunta pola Defensa de la Llingua Asturiana.
El sindicatu CC. OO., col so secretariu xeneral a la cabeza, apoyó publicamente la marcha.
El 21 d’abril que vien, les cais d’Uviéu van ser testigos d’una manifestación masiva a favor de la oficialidá de la llingua asturiana y del gallego-asturianu qu’entama la Xunta pola Defensa de la Llingua Asturiana. Mentanto, la convocatoria, que va salir a les 12.00 hores de la Estación del Norte d’Uviéu, va sumando apoyos nuevos cada dÃa.
De momentu, la manifestación yá cuenta col apoyu públicu de los sindicatos USO y CC. OO., que se difundió peles redes sociales con una semeya de los sos lÃderes teniendo pelos carteles de la convocatoria. Nos dÃes vinientes van dir dándose a conocer pel mesmu mediu los apoyos d’otros sindicatos asturianos. Amás, los plenos de los Conceyos de Noreña, L.lena y Carreño aprobaron mociones d’apoyu a la manifestación y cúntase con que más conceyos que celebren plenu dÃes enantes de la marcha saquen alantre midÃes asemeyaes.
Eses mociones súmense a les mociones a favor de la oficialidá que yá s’aprobaron nestos meses en conceyos que representen el 75 % de la población d’Asturies: Mieres, Xixón, Uviéu, Avilés, Noreña, Ḷḷena, Castrillón, Llaviana, Villaviciosa, Grau y Corvera.
Otra manera, la Xunta pola Defensa de la Llingua va siguir entamando reuniones con asociaciones y entidaes pa poder axuntar al mayor númberu de sectores sociales a la manifestación pola oficialidá. Amás, van ponese en marcha campañes de difusión, la presentación de cantares pa promocionar la convocatoria y una importante campaña publicitaria na radio y n’autobuses urbanos.
Publicaciones Rellacionaes:
La XDLA entama una campaña nes redes pa que los asturianos muestren l’apoyu a la manifestación pola oficialidá
‘Agora’ y ‘Cantar pola oficialidá’ son los temes que van llamar a la participación na manifestación pola oficialidá.
Xunta Moza participó esti sábadu 31 de marzu nuna protesta a favor de les llingües minorizaes en Baiona
Dexa un Comentariu