Visita de representante de Bretaña (Alcuentru cola prensa)

Emmanuel Le Merlus, activista pola llingua bretona, ta de visita estos díes per Asturies, depués de recorrer 17.000 km y más de 28 estaos col oxetivu de promover la diversidá cultural y el conocimientu mutuu ente les minoríes llingüístiques d’Europa.

Esti viaxe ta patrocináu poles escueles en llingua bretona, pola Oficina de la Llingua Bretona, pol Institutu de la Cultura Bretona y pol Conseyu Rexonal de Bretaña.

A lo llargo d’estos díes, va aconceyar con dellos representantes del movimientu de reivindicación llingüística (Xunta pola Defensa de la Llingua Asturiana), d’Instituciones (Academia de la Llingua Asturiana), representantes políticos y educativos y con medios de comunicación.

D’esta miente, mañana a les 11:00 hores va facese un alcuentru cola prensa, en Conceyu Abiertu, de la cai La Gascona 12, baxu A. 11:00 hores.

Esti ye l’enllaz al blog d’esti viaxe: http://europa-tour.over-blog.com/

Publicaciones Rellacionaes:

El Conseyu d’Europa pide la oficialidá y reclama “enérxicamente” a les autoridaes que tomen “midíes decidíes” p’apoyar l’asturianu y el gallego-asturianu Visita escolar a la espo #25añosencartelos La XDLA pide al Gobiernu estatal y asturianu que cumpla les recomendaciones del Conseyu d’Europa