La Xunta pola Defensa de la Llingua Asturiana (XDLA) llamenta la muerte, nel día de güei, del académicu de la Llingua Asturiana Miguel Ramos Corrada. Dende esta páxina, la XDLA quier amosar el so duelu y unviar un abrazu a la so familia y amigos.
Topu Fartón 2013
La Xunta pola Defensa de la Llingua Asturiana, Xega y SOS Racismu ponemos a lo llargo de toles Fiestes de San Mateo, n’Uviéu, el yá míticu chiringuitu, EL TOPU FARTÓN.
Esposición #25añosencartelos en Candás
La esposición de los 25 años de cartelos del Conciertu pola Oficialidá va tar hasta finales d’agostu nel chigre «Creisi» (cai La Estrecha) de Candás, ¡podéis pasar a vela cuando queráis!
#LesPiragües
¡Pidi col hashtag #LesPiragües que la @TPAnoticias use la toponimia oficial na tresmisión del Descensu! Les Arriondes, Triongu, Torañu, Lloviu, Ribeseya…
Gran Timba PoétiKa
Esti martes 30 de xunetu, nel chigre «El Olivar» (Cai Escura 1, d’Uviéu) a les 21:00, Gran Timba PoétiKa de descuelgue de la esposición «25 años del Conciertu pola Oficialidá en cartelos» amenizada por:Laura MarcosMoisés CimaRubén d’AreñesMiguel R. MonteavaroPablo X. Suárez
Reportaxe de los 25 años de Conciertu pola Oficialidá en Diagonal Asturies
Completu reportaxe d’Iván G. Fernández sobre los 25 años del Conciertu pola Oficialidá. http://www.diagonalperiodico.net/asturies/archivo/diagonal-asturies-no-16.html
Esposición #25añosencartelos nel chigre «El Olivar»
La esposición de los 25 años de cartelos del Conciertu pola Oficialidá va tar hasta’l 30 de xunetu nel chigre «El Olivar» (cai Escura 1) d’Uviéu, ¡podéis pasar a vela cuando queráis!
La XDLA pide al Gobiernu d’Asturies qu’aplique les recomendaciones sobre diversidá llingüística aprobaes pola Comisión de Cultura del Europarllamentu
El 18 de xunu pasáu, la Comisión de Cultura del Parllamentu européu aprobó un informe sobre diversidá llingüística realizáu pol diputáu corsu François Alfonsi. Depués d’un procesu d’enmiendes, el documentu aprobóse por unanimidá.
La Xunta pola Defensa de la Llingua Asturiana pide’l respetu del topónimu Courias nel parador nuevu.
La Xunta pola Defensa de la Llingua Asturiana esixe’l cumplimientu de la toponimia oficial por parte de Paradores y reclama a la Conseyería de Cultura, a la Dirección Xeneral de Política Llingüística y al Conceyu de Cangas del Narcea que s’asegure’l so cumplimientu.
La XDLA critica’l tratamientu informativu de TPA a los actos de defensa del idioma qu’entama la sociedá civil
Esti 8 de xunu, la Xunta pola Defensa de la Llingua Asturiana (XDLA) celebró’l Conciertu pola Oficialidá y la edición d’anguaño convirtióse en tou un éxitu al ser una de les más concurríes de los últimos tiempos del festival. Amás, la cita cumplió’l sábadu pasáu’l primer cuartu de sieglu, dalgo que convierte al Conciertu pola […]
El Gran Amnesio: Circu y Variedaes
Espectáculu pa tolos públicos, esti sábadu 15 de xunu, 12:30h Plaza del Ayuntamientu. Uviéu. El Gran Amnesio, antaño baillarín y seductor, carez d’una sobresaturación d’alimentos tresxénicos qu’echó embaxo la so carrera estelar. Sicasí, gracies a esa calamidá, desenvolvió habilidaes inesplicables que lu llevaron, otra vuelta, a percorrer los meyores escenarios en cata de lo […]
25 años de conciertu en cartelos
Esti martes 4, a les 20h., estrenamos -xunto a músicos de los cuasi 70 grupos que pasaron per estos 25 años de Conciertu pola Oficialidá- esta esposición que quier valir d’homenaxe al so llabor comprometíu. Nel actu, amás de presentar la propia esposición, vamos dar anuncia pública (tán convocaos los medios de comunicación) del Conciertu […]