Nos últimos díes na Xunta pola Defensa de la Llingua Asturiana tamos recibiendo munches quexes dende determinaos centros que tán intentando evitar la escolarización n’asignatura d’asturianu.
Ente estos centros alcuéntrase l’Institutu d’Enseñanza Secundaria Calderón de la Barca de Xixón, que con diferentes maniobres ta tratando que los alumnos/es de Bachilleratu queden ensin recibir les clases que quieren d’asturianu.
Delantre d’esta situación, queremos esponer que:
La Llei 1/1998, de 23 de marzu, ye bien clara en, Artículu 10.1, que diz que l‘asturianu tien que ser impartíu en tolos niveles y graos.
La Resolución de 16 de mayo de 2008, Artículu 5.1, que se refier a la ratio en Secundaria, anulóse por sentencia.
Entendemos que la Llei 1/1998 ye absolutamente clara: «garantizar el derechu del alumnáu en tolos niveles y graos educativos, independientemente del número de alumnos» (cita de la sentencia).
Polo tanto exiximos al centru educativu y a la Conseyería d’Educación la solución inmediata d’esta situación, evitando facer dexación de funciones nesti periodu d’entamu de cursu. La so inacción nestos casos supón una vulneración de los derechos llingüísticos de la ciudadanía asturiana recoyíos na llexislación vixente.
Dexa un Comentariu