La llingua asturiana tien que formar parte del procesu de reconstrucción social y económicu que se ponga en marcha desque acabe la crisis sanitaria y l’estáu d’alarma.
A pesar de que’l DÃa de les Lletres Asturianes -que se celebra tolos años el vienres de la primer selmana de mayu- quedó aplazáu hasta la seronda pola crisis sanitaria xenerada pol Covid-19, la Xunta pola Defensa de la Llingua Asturiana (XDLA) va siguir cola reivindicación llingüÃstica. La organización cÃvica va llevar la reclamación de la oficialidá de la cai a les redes sociales con delles iniciatives pa que la xente d’Asturies dexe claru’l compromisu col futuru de la llingua asturiana.
La primer iniciativa va llevase alantre a lo llargo de tola selmana y consiste en que les persones usuaries de les redes sociales xuban semeyes onde se pueda ver la so participación en dalguna manifestación del DÃa de les Lletres d’años anteriores. Van tener que facelo colos hashtags #YoTuvi #SemeyaMani. L’asociación quier asina que la xente muestre’l so apoyu a lo llargo de décades a estes convocatories que siempre enllenaron la cai Uria.
Otra manera, el vienres 8 de mayu, fecha na que se diba celebrar la manifestación pola oficialidá, la XDLA va entamar una campaña en Twitter pa que tolos asturianos tuitien frases sobre la oficialidá, la llingua asturiana o la falta d’un marcu llegal afayadizu pal nuestru idioma. Too eso va facese a partir de les 19.00 hores -hora de la manifestación- col hashtag #Oficialidá. Pa esi momentu tamién ta preparando dalguna sorpresa más.
L’asociación va dir a lo llargo de la selmana animando la convocatoria con otres iniciatives p’acompañar y afalar la reivindicación que dende hai décades ta presente na cai y qu’agora, desque acabe la crisis sanitaria y l’estáu d’alarma, garra más fuercia que nunca: la llingua asturiana tien que formar parte del procesu de reconstrucción social y económicu que se ponga en marcha.
La Xunta pola Defensa de la Llingua Asturiana llama a partÃos polÃticos, sindicatos y asociaciones culturales y deportives, amás d’a la ciudadanÃa en xeneral, pa qu’apoyen estes campañes al traviés de les sos redes y que la primer selmana de mayu, vinculada dende hai décades a la esixencia d’un futuru pal nuestru patrimoniu llingüÃsticu, nun quede falta d’esti contenÃu.
Publicaciones Rellacionaes:
La XDLA reclama al Conceyu d’Avilés más visibilidá pa la llingua asturiana al traviés de les webs municipales y les sos redes sociales
La XDLA entama una campaña nes redes pa que los asturianos muestren l’apoyu a la manifestación pola oficialidá
La XDLA denuncia que RPA lleva ensin emitir el boletÃn informativu diariu n’asturianu dende’l 27 d’ochobre
Dexa un Comentariu