Preocupante ausencia de la toponimia oficial nel Festival de Cine de Xixón

La Xunta pola Defensa de la Llingua (XDLA) refuga dafechu la eliminación del toponimu Xixón del logotipu nuevu del Festival Internacional de Cine. La imposición d’esti diseñu, obra del valencianu Javier Mariscal, carga directamente contra la denominación del certame, onde taba yá plenamente normalizada la presencia del asturianu al traviés del usu del topónimu tradicional, que ye oficial dende setiembre del 2006.

Sorpriende de xeitu bien poco prestosu qu’estes midíes rancies y involucionistes pa cola nuestra toponimia vengan precisamente dende l’actividá de la Conceyalía de Cultura de Xixón, con unos responsables que tienen el mandáu de visibilizala y que, hasta’l momentu d’ostentar cargos públicos, desempeñaron un papel activu y destacáu nel procesu de dignificación de la nuestra cultura.

Sorpriende, amás, que dende la Conceyalía de Cultura de Xixón anunciaren un cambiu na dirección del festival pa da-y un calter más asturianu y más popular. La XDLA nun entiende cómo pue ser el certame cinematográficu más asturianu y popular si, nesta edición, el logotipu del festival desanicia la forma tradicional. Por too ello, esiximos que, de manera inmediata, se restituya la denominación de siempre al Festival Internacional de Cine de Xixón y reclamamos que, por coherencia cola so trayectoria asturianista, los responsables de Cultura de Xixón se pronuncien al respective.

Publicaciones Rellacionaes:

La XDLA critica’l tratamientu informativu de TPA a los actos de defensa del idioma qu’entama la sociedá civil Cosmopaletismu y pasotismu nel FICXixón La XDLA denuncia l’ausencia del asturianu na imaxe pública del Principáu